गौतम बुद्ध विमानस्थलमा आजदेखि क्यालिब्रेशन उडान, जेठदेखि नियमित गर्ने तयारी

गौतम बुद्ध विमानस्थलमा आजदेखि क्यालिब्रेशन उडान, जेठदेखि नियमित गर्ने तयारी


इन्जिनियर्स नेपाल |  फागुन ६, २०७८,


engineersnepal.com

झण्डै सात दशकपछि नेपालले नयाँ अन्तर्राष्ट्रिय विमानस्थलमा उडान परिक्षण गर्ने भएको छ । विमानस्थल निर्माण सुरु गरेको झण्डै ७ वर्षमा नेपालको दोस्रो अन्तरराष्ट्रिय विमानस्थल भैरहवास्थीत गौतमबुद्ध अन्तरराष्ट्रिय विमानस्थलमा आजदेखि क्यालिब्रेशन उडान गरिने भएको हो ।

 


ADVERTISEMENT

थाइल्याण्डको एयरलाइन्स कम्पनी एरो थाइले शुक्रवार (आज)देखि फागुन १५ गतेसम्म क्यालिब्रेशन उडान गर्ने विमानस्थलका महाप्रवन्धक गोविन्दप्रसाद दाहालले जानकारी दिए । बिहिवार नै काठमाडौं हुँदै भैरहवा विमानस्थलमा एरो थाइको जहाजसहित प्राविधिक टोली पुगेका छन् ।

 

विमानस्थलले क्यालिब्रेशन उडानका लागि विहान १० बजेदेखि साँझ ५ ः ३० सम्म समय तालीका राखेको छ । यसैगरी विहान १० बजेदेखि बेलुका साढे ५ बजेसम्मका लागि भने भैरहवास्थीति उक्त विमानस्थलमा आन्तरिक एयरलाइन्स कम्पनीहरुले उडान गर्न पाउने छैनन् ।

 

क्यालिब्रेशन फ्लाइट (उडान) रनवे सही छ वा छैन, लाइटिङ प्रणाली, हवाई सञ्चार अर्थात् टावर कम्युनिकेशन, ल्यान्डिङलगायतमा कुनै समस्या छ वा छैन र राडरहरूको पोइन्ट स्पष्ट देखिन्छ कि देखिँदैन भन्ने लगायत विषयहरू एकिन गर्न क्यालिब्रेशन उडान गरिन्छ ।

 

यस्तै उक्त विमानस्थालबाट भने नियमित तथा व्यावसायिक रुपमा उडान भने जेठदेखि सुरु गर्ने तयारी गरिएको छ । बुद्धजयन्तीको अवसर पारेर उक्त विमानस्थलबाट उडान सुरु गरिने नेपाल नागरिक उड्डयन प्राधिकरणले जनाएको छ ।



Your Comments