मनमोहन प्राविधिक विश्वविद्यालयमा स्कुल अफ इन्जिनियरिङको पढाइ हुने

मनमोहन प्राविधिक विश्वविद्यालयमा स्कुल अफ इन्जिनियरिङको पढाइ हुने


इन्जिनियर्स नेपाल |  फागुन ३, २०७८,


engineersnepal.com

मोरङको बूढीगंगास्थित मनमोहन प्राविधिक विश्वविद्यालयमा चालू अर्थिक वर्षको वैशाख महिनादेखि स्कुल अफ इन्जिनियरिङको पढाइ हुने भएको छ । सो अन्तर्गत स्नातक तहको बीई इन सिभिल इञ्जिनियर, बीई इन इलेक्ट्रिकल एण्ड इलेक्ट्रोनिक्स इञ्जिनियरिङका लागि  २४/२४ विद्यार्थी भर्ना लिइने र यसका लागि मंगलबारदेखि नै आवेदन खोलिएको छ । 


प्राविधिक शिक्षालाई गुणस्तरीय, वैज्ञानिक तथा जीवनोपयोगी बनाउने उद्येश्यले मनमोहन स्मृति पोलिटेक्निकले प्रदेश नं १ सरकारले विसं २०७६ असोज १६ गते प्रदेश राजपत्रमा सूचना प्रकाशन गरी उक्त विश्वविद्यालय स्थापना गरेको हो ।


ADVERTISEMENT


प्राविधिकि तथा  उत्पानदनमुखी शिक्षालाई श्रमसँग, श्रमलाई उत्पादनसँग र उत्पादनलाई बजारसँग जोडेर परनिर्भरता अन्त्य गरी देश विकासको महाअभियान पनि सफल गराउने विश्वविद्यालयको उद्देश्य रहेको छ  ।


उत्पादनमुखी शिक्षा प्रणालीमा दीक्षित, व्यवहारिक र आत्मनिर्भरतर्फ उन्मुख जनशक्तिले मात्रै मुलुकलाई रुपान्तरण गर्नसक्ने भएकाले त्यसतर्फ यस विश्वविद्यालयको स्थापनाले सहयोग पु¥याउने सोमवार सार्वजनिक गरिएको प्रेस विज्ञप्तिमा उल्लेख छ ।

    
विकासका लागि आवश्यक पर्ने उच्चस्तरीय प्राविधिक जनशक्ति उत्पादन गर्ने, बहुप्राविधिक विश्वविद्यालयको अवधारणाअनुरुप प्रतिस्पर्धात्मक मानव संशासनको विकास गर्नु विश्वविद्यालयको उद्देश्य रहेको उपकुलपति डा. सुवास पोखरेलले जानकारी दिए ।


विज्ञान, प्रविधि तथा व्यावसायिक क्षेत्रको ज्ञान तथा सीपका साथै सान्दर्भिक अनुसन्धानलाई व्यापक, व्यवहारिक र समयसापेक्ष बनाउने पोखरेलले जानकारी दिए ।सो अवसरमा उनले यस विश्वविद्यालयमा तीन वटा स्कुल क्रमशः स्कुल अफ इञ्जिनियरिङ, स्कुल अफ एप्लाईड साइन्स एण्ड टेक्नोलोजी र स्कुल अफ मेडिसिन एण्ड इलाईट हेल्थ साइन्सेज सञ्चालन हुने बताए । 


चालू आवमा स्कुल अफ इञ्जियिरिङअन्तर्गत स्नातक तटहको बी ई इन सिभिल इञ्जिनिययिरिङ र बी ई इन इलेक्ट्रिकल एण्ड इलेक्ट्रोनिक्स इञ्जिनीयरिङ पठ्क्रम सञ्चालन गरी विश्वविद्यालयलाई विधिवत्रुपले सञ्चालनमा ल्याइने छ ।


विश्व विविद्यालयको भावी दशवर्षे शैक्षिक कार्ययोजना र विभित्र विषयका पाठयक्रम तर्जुमा गरिसकिएको जानकारी पनि दिइएको छ । पहिलो पाँच वर्षे योजनाअन्तर्गत २०७८ २०८२ सम्ममा क्रमशः सिभिल इञ्जिनियरिङ, आर्किटेक्चर, इञ्जिनियरिङ, इलेक्ट्रिकल एण्ड इलेक्ट्रोनिक्स इञ्जिनियरिङ अध्यापन गराइने छ ।


साथै कम्प्युटर/सूचना प्रविधि इञ्जिनियरिङमा बी ई कार्यक्रमका साथै ब्याचलर इन मेडिकल ल्याबरोटरी टेक्नोलोजी, ब्याचलर इन पब्लिक हेल्थ, बीएससी इनफार्मेसी, एमएससी इन स्ट्रक्चरल इञ्जिनियरिङ, एमएससी इन पावर सिस्टम इञ्जिनियरिङ, एमएससी इन इन्भाइरोमेन्टल हेल्थ एण्ड सेफ्टी, एमएससी इन नेचुरल रिसोर्स म्यानेजमेन्ट एण्ड डेभलपमेन्ट र एमएससी इन हेल्थ पोलिसी, इनोभेसन एण्ड म्यानेजमेण्ट गरी सात वटा स्नातक र पाँच वटा स्नातकोत्तरको कक्षा  सञ्चालन गरिने विश्वविद्यालयको लक्ष्य छ । 


यी कार्यक्रमबाट कूल एक हजार ४८० विद्यार्थी लाभान्वित हुने भएका छन् । दोस्रो पाँच वर्षे योजनाअन्तर्गत आव २०८३÷२०८७ सम्ममा क्रमशः ब्याचलर इन बायोमेडिकल इञ्जिनियरिङ, बिइ इन मेकानिकल वा ओटोमोबाइल इञ्जिनियरिङ, बिएससी इन एग्रिकल्चर÷फरेस्ट्री, बिएससी इन अप्टोमेट्री, ब्याचलर अफ होटल म्यानेज्मेन्ट अध्यापन गराउने विश्वविद्यालयको योजना छ ।


यसैगरी एमबिबिएस गरी स्नातक तहमा छ वटा पाठ्यक्रम, स्नातकोत्तर तहमा ट्रान्सपोर्टेसन वा टनेल इञ्जिनियरिङ, इलेक्टोनिक्स एण्ड कम्युनिकेसन इञ्जिनियरिङ, फार्मेसी, पब्लिक हेल्थ, केमिकल टेक्नोलोजी गरी पाँच वटा विषयमा  र विद्यावारिधितर्फ स्ट्रकचरल इञ्जिनियरिङ ÷ट्रान्सपोर्टेसन इञ्जिनियरिङ, पब्लिक हेल्थ, इलेक्ट्रिकल इञ्जिनियरिङ, इन्भाइरोमेन्टल हेल्थ एण्ड सेफ्टी र न्येचुरल रिसोर्स म्यानेजमेन्ट एण्ड डेभलपमेन्ट गरी थप पाँच वटा विषयमा विधावारिधि सञ्चालन गरिने लक्ष्य रहेको छ । 


सबै पाठ्यक्रम  सञ्चालन भएपछि कूल दुई हजार ८३१  विद्यार्थी लाभान्वित हुनेछन् । तीन वटा स्कुलअन्तर्गत दश वर्षमा स्नतक, स्नातकोत्तर विद्यावारिधि गरी २८ वटा विभिन्न पाठ्यक्रम  सञ्चालन गर्ने लक्ष्य विश्वविद्यालयको रहेको छ । 

चालू आर्थिक वर्षका लागि प्रदेश सरकारसँग रु ४५ करोड माग गरिएकामा रु पाँच करोड मात्र प्राप्त पोखरेलले बताए । नेपाल सरकार, भारत सरकार र मनमोहन फाउण्डेशनको संयक्त लगानी रहेको यस विश्वविद्यालय  पहिलो चरणमा मनमोहन स्मृति पोलिटेक्निकको २० बिघा जग्गाभित्रै अहिले सञ्चालन गरिने जानकारी उनले दिए ।

आगामी १० वर्षे योजनाका निम्ति विश्वविद्यालयले रु पाँच अर्बको योजना र कार्यक्रम पेश गरिसकेको उनले बताए । पोखरेलले  यस क्षेत्रमा दुई तिहाइभन्दा बढी संरचना भारत सरकारबाट निर्माण भएको बताए । देशभरमा १३ वटा विश्वविद्यालयमध्ये यो विश्वविद्यालय सर्वोत्कृष्ट हुने उनले दाबी गरे ।



Your Comments