मेलम्ची खोलाको बहाव बढ्दा हेलम्बु-मेलम्ची बस्ती जोखिममा, सतर्क रहन अनुरोध

मेलम्ची खोलाको बहाव बढ्दा हेलम्बु-मेलम्ची बस्ती जोखिममा, सतर्क रहन अनुरोध


इन्जिनियर्स नेपाल |  असार १७, २०७८,


engineersnepal.com

निरन्तर आएको वर्षाले मेलम्ची खोलाको बहाव बढेको छ । असार १ गतेदेखि वितण्डा मच्चाएको मेलम्ची खोलामा पुनः पानीको बहाव बढेपछि स्थानीय प्रशासन तथा प्रहरी कार्यालयले सतर्क रहन सर्वसाधारणलाई अपिल गरेका छन् । 

पानीको बाहव पुनः बढ्न थालेपछि स्थानीयवासीहरु त्रसित भएका छन् ।  बुधबार दिउँसोदेखि निरन्तर परेको पानीले हेलम्बुदेखि मेलम्चीसम्मको बस्ती जोखिममा परेको भन्दै प्रहरीले त्यस क्षेत्रका बासिन्दालाई सतर्क रहन आग्रह गरेको हो । 


ADVERTISEMENT

मौसम पूर्वानुमान महाशाखाका अनुसार तटीय क्षेत्रहरुमा अझै बाढी आउनसक्ने भएकाले सुरक्षित स्थानमा गएर बस्न आग्रह गरिएको छ । यही असार १ गते र असार ५ गतेको बाढीले जोगाएको खोला किनारका घर तथा संरचना र खेतीयोग्य जमिनसमेत अहिलेको वर्षाले कटान गरिरहेको मेलम्ची–११ का दशरथ दनुवारले जानकारी दिए ।



Your Comments