काठमाडौंमा आर्किटेक्टहरुको राष्ट्रिय सम्मेलन हुँदै, यस्ता छन् कार्यक्रम

काठमाडौंमा आर्किटेक्टहरुको राष्ट्रिय सम्मेलन हुँदै, यस्ता छन् कार्यक्रम


इन्जिनियर्स नेपाल |  मंसिर १६, २०७६, काठमाडौं


#
engineersnepal.com

#

डिसेम्बर २० र २१ मा काठमाडौंमा आर्किटेक्टहरुको राष्ट्रिय सम्मेलन हुने भएको छ । सोसाइटी अफ नेप्लिज आर्किटेक्ट (सोना) को आयोजनामा हुन लागेको सम्मेलनमा पाटन दरबार क्षेत्र र ठमेलको छाया सेन्टरमा विभिन्न प्रदर्शनीहरु समेत गरिने छ ।

कलात्मक दृश्यहरु झल्किने फोटोग्राफी, भौगोलिक संरचना तथा इन्जिनियर एवं आर्किटेक्टबाट डिजाइन गरिएका प्रोजेक्टहरुको डिजाइन प्रदर्शनी गरिने सोनाले जनाएको छ ।


ADVERTISEMENT

‘Architectural Responses to Tourism in Nepal’ भन्ने नाराका साथ आयोजना हुन लागेको उक्त सम्मेलनले पर्यटन प्रवद्र्धनमा आर्किटेक्चर क्षेत्रले खेल्न सक्ने भूमिकाबारे पर्यटन व्यवसायी एवं राज्य मातहतका व्यक्तिसँग प्यानल डिस्कसनसमेत गर्नेछ । 

सम्मेलनमा आर्किटेक्ट, शहरी योजनाविद्, नेपाल सरकार मातहतका मन्त्रालयका मन्त्री एवं सचिव, इन्जिनियर, निर्माण व्यवसायी, परामर्शदाता कम्पनीका प्रतिनिधि, निर्माण सामाग्री उत्पादक तथा सप्लायर्स, पर्यटन व्यवसायीलगायत विभिन्न क्षेत्रका विज्ञको सहभागीता रहनेछ ।

सम्मेलनमा भाग लिन चाहने आर्किटेक्टका लागि बुकिङ खुल्ला गरिएको छ । जसअन्तर्गत व्यवसायिक आर्किटेक्टका लागि पाँच हजार, आकिटेक्टमा मास्टर्स गरिरहेका विद्यार्थीका लागि तीन हजार, ब्याचलर गरिरहेका विद्यार्थीका लागि दुई हजार र आर्किटेक्टभन्दा बाहिरी फिल्डका ब्यक्तिका लागि १० हजार शुल्क तोकिएको छ ।

सम्मेलनमा नयाँ शहरको परिकल्पना, विभिन्न योजनाको सम्भाव्यताबारे छलफल, आगामी दिनमा नेपालमा धार्मिक तथा सांस्कृतिक पर्यटनको महत्व र आवश्यकता लगायतका विषयहरु समेटेर विज्ञहरुले आ–आफ्ना कार्यपत्र प्रस्तुत हुनेछ । 



Your Comments