विद्युत व्यापार कम्पनी स्थापना गर्न निफ्राको प्रस्ताव, भारत र बंगलादेश शेयरधनी !

विद्युत व्यापार कम्पनी स्थापना गर्न निफ्राको प्रस्ताव, भारत र बंगलादेश शेयरधनी !



engineersnepal.com

नेपाल इन्फ्रास्ट्रक्चर बैंक लिमिटेडले विद्युत व्यापार कम्पनी स्थापना गर्न प्रस्ताव गरेको छ । नेपालमा उत्पादित विद्युतको यथोचित माग बढाउन तथा व्यापारिकरणमा योगदान पु¥याउने उद्देश्यले वृहत्त सहभागितामा कम्पनी स्थापना गर्न बैंकले प्रस्ताव गरेको हो । 

बैंकले अघि बढाएका रणनैतिक महत्वका कार्यहरु सार्वजनिक गर्दै विद्युतको उत्पादन बढ्दै जाँदा बजारिकरण पनि व्यवस्थीत गर्न आवश्यक भएको भन्दै कम्पनी स्थापनाको प्रस्ताव गरेको छ ।


ADVERTISEMENT

बैंकले लगानीकर्ताको रुपमा लगानी सजिलै जुटाउन सक्ने विभिन्न निकाय, बैंक तथा वित्तीय संस्थाका साथै अन्तरराष्ट्रिय विद्युत व्यापार कम्पनी वा विद्युतको क्षेत्रमा कार्यरत संस्थाहरुलाई समेट्न प्रस्ताव गरेको छ । 

यसका साथै उक्त व्यापार कम्पनीको शेयरधनिको रुपमा भारत र बंगलादेशलाई भित्र्याउन पनि पहल गरिएको बंैकले जनाएको छ ।

अहिले बैंकको लगानीमध्ये करिब ५० प्रतिशत विद्युत उत्पादनको क्षेत्रमा हुने र अन्य बैंक तथा वित्तीय संस्थाहरुको समेत गरी करिब ५ खर्ब रुपैयाँ लगानी हुँदा विद्युत उत्पादन पनि बढ्ने स्पष्ट देखिन्छ ।

उत्पादित विद्युतको बजारिकरण नभएमा र नेपाल विद्युत प्राधिकरणले खरिद गर्न नसक्ने अवस्था भएमा वित्तीय क्षेत्र नै धरासयी हुने भएको भन्दै कम्पनी नै स्थापना गरेर व्यवस्थीत रुपमा अघि जान आवश्यक भएको जनाएको छ । 

सरकारले सन् २०३० सम्ममा नेपालमा १५ हजार मेगावाट (मेवा) विद्युत उत्पादनको लक्ष्य लिएको छ । अहिले नै विद्युत उत्पादन २ हजार ३०० मेवा पुग्ने भएता पनि माग भने १ हजार ५०० मेवा भएकोले विद्युत व्यापार र ट्रान्समिसन लाइनको निर्माणमा निजी क्षेत्रको संलग्नता आवश्यक रहेको बैंकको ठहर छ । 
  



Your Comments