इन्जिनियर्स एसोसिएसनको वार्षिक साधारणसभा सम्पन्न

इन्जिनियर्स एसोसिएसनको वार्षिक साधारणसभा सम्पन्न


इन्जिनियर्स नेपाल |  मंसिर १४, २०७६, काठमाडौं


engineersnepal.com

नेपाल इन्जिनियर्स एसोसिएसन (नेईए) को वार्षिक साधारणसभा शनिबार काठमाडौंमा सम्पन्न भएको छ । एसोसियसनको ५० औँ साधारणसभामा वार्षिक प्रतिवेदन, आम्दानी–खर्च विवरणलगायतका विषय प्रस्तुत गरिएको थियो । 

साधारणसभामा एसोसियसनका महासचिव ई. छविराज पोख्रेलले प्रस्तुत गरेको वार्षिक प्रतिवेदन र कोषाध्यक्ष ई. राम एकवाल यादवले प्रस्तुत गरेको आर्थिक प्रतिवेदन पारीत भएको छ ।

वार्षिक प्रतिवेदनमा एसोसिएसनका नियमित गतिबिधि, कार्यदल गठन भई कार्यारम्भ गरिएका एजेण्डाहरु, नेईए प्रदेश समितिका गतिबिधिहरु साथै एसोसिएसनका भावी कार्यक्रमहरु प्रस्तुत गरिएको थियो ।

कार्यक्रमको समापन गर्दै एसोसिएसनका अध्यक्ष डा. त्रिरत्न बज्राचार्यले इन्जिनियरिङ शिक्षा बिस्तारमा पनि एसोसिएसनले उल्लेखनीय भुमिका खेलिरहेको बताए । उनले सरकारी इन्जिनियरिङ क्याम्पस नभएका प्रदेशहरुमा नयाँ इन्जिनियरिङ क्याम्पस खोल्न शिक्षा मन्त्रालय संग समन्वय गरि काम अघि बढिरहेको जानकारी दिए ।

नेपाल इन्जिनियर्स एसोसिएसनको ५० औं वार्षिक साधारण सभामा महासचिव ई. छविराज पोख्रलद्धारा प्रस्तुत वार्षिक प्रतिवेदन


 



Your Comments