कोरोना संकटमा इप्पानको आह्वान : जलविद्युत् कम्पनीले १ लाखका दरले सहयोग गरौं

कोरोना संकटमा इप्पानको आह्वान : जलविद्युत् कम्पनीले १ लाखका दरले सहयोग गरौं

सरकारी/समुदायबाट सञ्चालित अस्पतालमा अक्सिजन प्लान्ट स्थापना



engineersnepal.com

मुलुकमा कोरोना संक्रमणबाट हुने जोखिमलाई न्युनिकरण गर्न धेरै संघसंस्थाहरु जुटेका बेला निजी क्षेत्रका जलविद्युत कम्पनीको साझा संस्था स्वतन्त्र उर्जा उत्पादकहरुको संस्था, नेपाल (इप्पान) पनि सहयोग जुटाउन लागिपरेको छ ।

‘अक्सिजन दान गरौं, मानव जीवनको रक्षामा जुटौं’ भन्ने मुल मर्मका साथ इप्पानले यस्तो आह्वान गरेको हो । कोरोना संकटलाई टार्नका लागि इप्पान सदस्य जलविद्युत् कम्पनीहरुका साथसाथै सम्बन्धी संस्थाहरुलाई १ लाख रुपैयाँका दरले सहयोग गर्न इप्पानले आह्वान गरेको छ ।


ADVERTISEMENT

कोभिड विरामीलाई अक्सिजन दान गरी जीवन बचाउन सहयोग गर्ने सम्बन्धमा इप्पानले सबै उर्जा प्रवद्र्धकहरुलाई उक्त रकम सहयोग गर्न आग्रह गरेको हो ।  साथै इप्पानले जलविद्युत कम्पनी, गैर सदस्य जलविद्युत् कम्पनीहरु, कर्पाेरेट सदस्य संस्थाहरु, जलविद्युत्का लागि आवश्यक मेसिन, औजार लगायतका आपूर्ति गर्ने संस्थाहरुलाई पनि सहयोग गर्न आग्रह गरेको छ । 

अभियानका संयोजक मोहनकुमार डाँगीले गत वर्ष ६५ जनाबाट मात्रै १ करोड ११ लाख ११ हजार १११ रुपैयाँ सरकारलाई बुझाएको जानकारी दिए । अहिले पनि थप जटिल अवस्था आएको र सहयोग अझ बढि आवश्यक भएकाले जलविद्युत् क्षेत्रका ठूला लगानीकर्ताहरु थप एक जुट भएर सहयोग जुटाउन आवश्यक देखिएको बताए ।

नेपालमा जलविद्युत् कम्पनीहरु लगभग ५०० रहेकोले यो संख्याअनुसार १ लाख १ लाख रुपैयाँका दरले सहयोग जुटाउँदा रकम पनि धेरै हुने भएकाले अक्सिजन प्लान्टलगायतमा सहयोग गर्न सकिने इप्पानको भनाइ छ ।

इप्पानले सो सहयोगबाट काठमाडौं उपत्यकामा सरकारी वा समुदायबाट सञ्चालन भएका अस्पतालमा अक्सिजन प्लान्ट स्थापना गरी सरकारमार्फत हस्तान्तरण गर्ने र सहकार्यको सम्झौता गर्ने जनाएको छ ।

ठूला, साना अक्सिजन सिलिण्डर, अक्सिज कन्सन्टेटर, अक्सोमिटर, पिपिइ, माक्स र औषधि खरिद गरी धेरै आयोजना रहेका प्रदेश अस्पतालहरु, जिल्ला अस्पतालमा सहयो गरिने इप्पानले जनाएको छ । 

यसैगरी इप्पानले उक्त सहयोगबाट सेवारत रहँदा ज्यान गुमाएका नर्सिङ स्वास्थ्वकर्मीहरुलाई नगदसहित फ्रन्ट लाइनर हिरोज् स्वास्थ्वकर्मी इप्पान प्रोत्साहन पुरस्कार प्रदान गर्ने पनि जानकारी दिएको छ ।  

यसैगरी व्यक्तिगत वा संस्थागत रुपमा कम्तीमा ३ लाख रुपैयाँ सहयोग गर्नेलाई इप्पानले साधारणसभाबाट सम्मान गर्ने र ताम्रपत्रमा नाम उल्लेख गर्ने पनि जनाएको छ । उक्त सहयोग रकम इप्पानको एनएमबी बैंक कान्तीपथ शाखा काठमाडौंमा रहेको चल्ती खाता नम्बर ०२३०१४३४३५०००१९ मा रकम जम्मा गर्न सकिने इप्पानले उल्लेख गरेको छ । 



Your Comments