मेरो प्यानलमा सिनियरको अनुभव र युवाको जोस दुवै छ: ई. ध्रुव थापा (अन्तर्वार्ता)

मेरो प्यानलमा सिनियरको अनुभव र युवाको जोस दुवै छ: ई. ध्रुव थापा (अन्तर्वार्ता)

इन्जिनियर्स एशोसिएसनको नेतृत्व लोकतान्त्रिक समुहले गर्ने वातावारण बनाउँछौं



engineersnepal.com

नेपाल इन्जिनियर्स एशोसिएसनको अध्यक्ष भैसकेका इन्जिनियर ध्रुव राज थापा यति बेला नेपाली कांग्रेसको शुभचिन्तक संस्था सेन्टर फर डेमोक्रेटिक इन्जिनियर्स नेपाल (सिडेन)को अध्यक्षको प्रतिस्पर्धामा छन् ।

पौष ४ गते शनिवार हुने निर्वाचनको लागी १२ बुँदे प्रतिबद्धता सहित इन्जिनियर थापा चुनावी मैदानमा छन् ।


ADVERTISEMENT

सिडेनको गतिविधी कमजोर भएको महशुस भएपछि सिडेनलाई चलायमान बनाउन आफु अध्यक्षको उम्मेदवार भएको थापाको भनाई रहेको छ । 

आफु अध्यक्ष भए पश्चात सिडेनको संस्थागत विकास गर्ने र सिडेनको आफ्नै भवन निर्माण गर्ने सम्मको थापाको योजना रहेको छ । 

नेपाली कांग्रेसका बरिष्ठ नेता रामचन्द्र पौडेल निकट प्यानल बाट सिडेनको चुनावी मैदानमा होमिएका अध्यक्ष उम्मेदवार थापाको आगामी इन्जिनियर्स एशोसिएसनको नेतृत्व लोकतान्त्रिक समुहले गर्ने वातावारण बनाउने दावी गर्छन् । 

उनै सिडेन अध्यक्ष पदका उम्मेदवार इन्जिनियर ध्रुव थापा संग इन्जिनियर्स नेपालले गरेको संक्षिप्त कुराकानीको संम्पादित अंश:

तपाई नेपाल इन्जिनियरिर्स एशोसिएसनको अध्यक्ष भैसकेको मान्छे सिडेनमा फेरी किन ?

पहिलो कुरा सिडेनकै स्थापना भएको नेपाल इन्जिनियरिङ एशोसिएसनमा लोकतान्त्रिक समुह तर्फबाट प्रतिस्पर्धा गर्नको लागि हो । इन्जिनियर्स एशोसिएसनमा सिडेनको बर्चस्व होस् भन्ने हो तर गतवर्ष एशोसिएसनको चुनावमा हाम्रो समुहले हा¥यो । 

त्यसले हाम्रो गतिविधी कमजोर भएको महशुस भएपछि सिडेनमा चलायमान बनाउन मेरा सिनियर, समकालिन र युवा साथीले मेरो उम्मेदवारी आवश्यक छ भन्नु भयो । 
सिडेनको संस्थागत विकास र इन्जिनियरको हकहितको लागि सिडेनले थुप्रै काम गर्न सक्छ । लोकतान्त्रिक समुहलाई एशोसिएसनमा बलियो बनाउन विगतका मेरा काम देखेर साथीहरुको आग्रहमा मेरो उम्मेदवारी दिएको हुँ । 

तपाईको प्रतिस्पर्धी युवा हुनुहुन्छ । सिडेनका मतदातापनि युवा बढी देखिन्छन् । सिडेनको अध्यक्ष जित्ने तपाईको आधार के ?

युवा र सिनियर भन्ने कुरा मन र विचारले हुने कुरा हो । म आफु काम गर्न नसक्ने बुढो भएभन्ने मलाई लाग्दैन  । सिडेन प्रभुत्व वर्गको समुदाय हो । प्रभुत्व वर्गको समुदायमा अनुभवसंगै जोसको आवश्यक पर्छ त्यो दुवै म संग रहेको छ । 

इन्जिनियरिङ पेशा समाजबाट भन्दा पनि प्रविधिमा भिजेर वा देखेर धेरै सिकिन्छ । हामी सबै सिनियरको दाइत्व के हो भने युवा साथीलाई प्रविधिको विषयमा जानकारी गराई देश विकासमा लगाउनु । 

मलाई धेरै युवासाथीले नै उम्मेदवार बन्न प्रोत्साहन गरेका हुन् । मेरो प्यानलमा म बाहेक सबै युवा साथी नै हुनुहुन्छ । उहाँहरुले नेतृत्व तपाई गर्नु काम गर्न हामी सक्षम छौं पनि भन्नु भएको छ । 

मेरो प्यानलमा सिनियरको अनुभव पनि छ र युवाको जोस पनि रहेको छ । म नेपालको इन्जिनियरिङ क्षेत्रमा  २७  वर्ष काम गरेको अनुभव रहेको छ । जहिलेपनि म युवा र सिनियरसंग मिलेर काम गर्ने मानिस हुँ । त्यसैले सिडेनका मतदाताले मेरो प्यानलाई भोट दिनुहुनेछ भन्ने विश्वास रहेको छ । 

चुनाव जित्नको लागि तपाईका एजेन्डा के के छन् ?

मुख्य ३ वटा मेरा एजेन्डा रहेका छन् । जसमा पहिलो सिडेनको संस्थागत विकास गर्ने । संस्थागत विकास अन्तर्गत सिडेनको आफ्नै भवन निर्माण गर्ने भनेर लागेका छौं ।  
दोस्रो  इन्जिनियरको क्षमता अभिवृद्धि गर्ने एजेन्डा रहेको छ । त्यसकालागि विभिन्न तालिम सेमिनार आयोजना गर्छौ । हाम्रो संस्था राजनीतिक गर्ने थलो होइन । राजनीति गर्न राजनीतिक दलमा लाग्दा राम्रो हुन्छ ।  सिडेनलाई राजनीति गर्ने संस्थाको भन्दापनि  व्यवसायिक र पेशागत संगठनको रुपमा विकास गर्नुपर्छ । 

पेशागत संगठनको विकास भनेको नेपाल सरकारसंग जागिर खोज्न जाने मात्रै होइन युवा इन्जिनियरलाई स्वारोजगार बनाउने मेरो उद्देश्य हुनेछ । मैले इन्जिनियर्स एशोसिएनमा हुँदापनि युवा इन्जिनियरको लागि धेरै काम गरेको छु । 

तेस्रो नेपाल इन्जिनियर्स एशोसिएसनमा गत वर्ष चुनावमा हार भयो । यसलाई पुनजिर्वन गरेर एशोसिएसनको नेतृत्व लोकतान्त्रिक समुहले गर्ने वातावारण बनाउँछौं । 

तपाईका मतदातालाई तपाईको सन्देश के छ ?

मेरा मुख्य ३ एजेन्डालाई कार्यन्वयन गर्ने प्रतिबद्धता व्यक्त गर्छु । मैले नेतृत्वगर्दा युवा देखी सिनियर सबैलाई हितमा हुनेगरी काम गर्ने छु । युवा इन्जिनियहरुको पेशागत विकासमा मेरो प्राथमिकता रहेको छ त्यसको लागि निर्वाचनमा मेरो प्यानललाई भोट गर्न आग्रह गर्छु । 
   
 



Your Comments