विश्वकै दोस्रो ठूलो जलविद्युत आयोजना चीनमा निर्माण

विश्वकै दोस्रो ठूलो जलविद्युत आयोजना चीनमा निर्माण


इन्जिनियर्स नेपाल |  जेठ १८, २०७८,


engineersnepal.com

उत्तरी छिमेकी चीनमा रहेको विश्वकै दोस्रो ठूलो बैहितान जलाशययुक्त आयोजनाको काम अन्तिमचरणमा पुगेको छ । 
 
जुलाई १ मा आयोजनाको पहिलो युनिटबाट बिजुली उत्पादन हुने चाइना ग्लोबल टेलिभिजन नेटवर्कले उल्लेख गरेको छ। त्यस्तै २०२२ सम्ममा यस परियोजना पूर्ण क्षमतामा सञ्चालन जनाइएको छ । 

सन् २०२२ भित्र आयोजनाबाट १६ हजार मेगावाट अर्थात १६ गिगावाट बिजुली उत्पादन हुने बताइएको छ । यो विद्युतगृह चीनको थ्री गर्जेजभन्दा सानो हो ।


ADVERTISEMENT

थ्री गर्जेजको जडित क्षमता २२ हजार ५०० मेगावाट अर्थात २२.५ गिगावाट छ । यो आयोजना पूरा भएपछि तीन गोर्जे बाँध पछाडि बैहितान विश्वको दोस्रो सबैभन्दा ठूलो पावर स्टेशन हुनेछ। यस परियोजना जलाशयको कुल भण्डारण क्षमता २० अर्ब ७२ करोड ७० लाख घन मिटर रहेको छ । 

आयोजनाको निर्माण कार्य २०१७ देखि सुरु भएको हो । आयोजनाबाट वार्षिक ६० अर्ब २४ करोड युनिट बिजुली उत्पादन हुनेछ ।

आयोजनामा १००० मेगावाटको क्षमताका १६ वटा टर्वाइन हुने छन् । बैहितान १,००० मेगावाटको जलविद्युत टर्बाइन जेनरेटर प्रयोग गर्ने पहिलो परियोजना हो। 

यस आयोजनामा ​​बाँधको दायाँपट्टि र बायाँपट्टि दुई भूमिगत पावर हाउस हुनेछन्।  प्रत्येक पावरहाउस चीनमै बनेका आठ वटा हजार मेगावाट क्षमताको फ्रान्सिस टर्बाइन जडित हुनेछन्।

बैहितान बाँध चीनको दक्षिण पश्चिममा सिचुआन र युन्नान प्रान्तहरूमा यांग्त्जी नदीको माथिल्लो भागको जिन्सा नदीमा निर्माणाधीन एक ठूलो जलविद्युत बाँध हो । आयोजनामा डबल कर्भेट आर्च बाँधको निर्माण गरिएको छ । २७७ मिटर अग्लो बाँध साइटको सर्वेक्षण सन् १९९२ मा भएको थियो।

 

 



Your Comments