इन्जिनियर्स एसोसियसनको बीमा कार्यक्रममा सहभागी हुन एक महिना समय थप

नेपाल इन्जिनियर्स एसोसियसन (नेइए) ले बीमा कार्यक्रममा यो बर्ष सहभागि हुन असार मसान्तसम्म समय रहेकोमा एक महिना समय थप गरिएको छ । 
एसोसियसनले मंगलबार सूचना जारी गर्दै श्रावण मसान्त भित्र यस अघि छुटेकाहरुलाई सदस्यता लिइसक्न वा यसअघि नै सदस्यता लिइसकेकालाई नविकरण गर्न आग्रह गरेको छ । 

एसोसियसनले असार मसान्त सम्म बीमा कार्यक्रका लागी प्रक्रिया पुगेका १२ हजार एक सय इन्जिनियरहरुको दश लाख बराबरको दुर्घटना बीमा सम्पन्न भएको ५७ औं इन्जिनियर दिवसको कार्यक्रममा घोषणा भएको थियो ।

बीमाका लागि छुट्टै कुनै शूल्क लाग्दैन । बीमा शूल्क नेइएले नै तिर्छ । मात्रै एसोसियसनको सदस्यता लिएको र निरन्तर सदस्यता नवीकरण गरेको भए पुग्ने एसोसियनले जनाएको छ । 

एसोसियसनमा आवद्ध १२ हजार एक सय इन्जिनियरहरुको प्रति इन्जिनियर दश लाख बराबरको दुर्घटना इन्सुरेन्स गराउने कार्यक्रम  साउन १ गते देखि लागू भैसकेको छ । 

एसोसियसनको नयाँ सदस्यताका लागि ७५०, नविकरणका लागि ५०० र आजिवन सदस्यताका लागि ५५ सय शुल्क लाग्ने ब्यवस्था छ ।  

नयाँ सदस्यता वा नविकरण नेइएको केन्द्रीय कार्यालय, पुल्चोक, ललितपुर तथा सम्बन्धित प्रदेश केन्द्रबाट एशोसिएसनको वेबसाइटबाट http://www.neanepal.org.np मार्फत अनलाइन सदस्यता आवेदन तथा नविकरण गर्न सकिने व्यवस्था गरिएको छ ।