कर्मचारीको पारिश्रमिक ५०% बढाउन निमामती संघको माग

कर्मचारीको पारिश्रमिक ५०% बढाउन निमामती संघको माग


इन्जिनियर्स नेपाल |  जेठ १०, २०७८,


engineersnepal.com

#

नेपाल निजामती कर्मचारी युनियन (संघ)ले निजामती कर्मचारीहरुको पारिश्रमिक ५० प्रतिशत बढाउन माग गरेको छ । केन्द्रीय बैंकले गरेको पारिवारिक बजेट सर्वेक्षण, बढ्दो महंगी र मुद्रास्फीतिसमेतका आधारमा सबै कर्मचारीहरुको तलबमा कम्तिमा ५० प्रतिशत वृद्धि गर्न माग गरेको हो । 

अर्थ मन्त्रालयलाई ज्ञापन पत्र बुझाउँदै संघले पोसाक भत्ता बढाउने देखि कोभिड संक्रमित भइ मृत्यु भएका निजामती कर्मचारीहरुको परिवारलाई निजले पाउने सेवा सुविधासहित एकमुष्ट थप ३० लाख रुपैयाँ उपलब्ध गरान पनि माग गरिएको छ ।  


ADVERTISEMENT

आगामी आर्थिक वर्षको बजेटमा विभिन्न विषयहरु सम्बोधन गर्न भन्दै संघले २८ बुँदे ज्ञापनपत्र मन्त्रालयमा बुझाएको छ । संघले निजामती कर्मचारीहरुका लागि सञ्चय कोषले दिने आवास कर्जाको व्याज सहुलियत दरमा विशेष छुटको व्यवस्था गर्न, छुट्टै कोषको स्थापना गरी विना धितो शुन्य प्रतिशत व्याजदरमा ५० लाख रुपैयाँसम्मको सहुलियत ऋणको व्यवस्था गर्न पनि माग गरेको छ । 

संघले बीमाको रकम पनि शतप्रतिशत वृद्धि गर्न मन्त्रालयलाई सुझाव दिएको छ । संघीय संरचनाअनुसार हरेक प्रदेशमा निजामती अस्पतालको व्यवस्था गर्न पनि संघले सुझाव दिएको छ । यस्तै संघले राज्यको ढुकुटीबाट तलब भत्ता खाने सबै राष्ट्रसेवकहरुको लगानीबाट मात्रै राष्ट्रसेवक जलविद्युत् आयोजना निर्माण गर्न माग पनि गरेको छ । 



Your Comments