सूर्यविनायक–धुलिखेल सडक ४ लेनमा विस्तार हुँदै, केहि महिनामै टेन्डर खुल्ने

सूर्यविनायक–धुलिखेल सडक ४ लेनमा विस्तार हुँदै, केहि महिनामै टेन्डर खुल्ने


इन्जिनियर्स नेपाल |  जेठ ३०, २०७८,


engineersnepal.com

भक्तपुरको सूर्यविनायकदेखि काभ्रेपलाञ्चोकको धुलिखेलसम्मको सडक विस्तार हुने भएको छ। दुई लेनमा रहेको सो सडक विस्तार भएपछि चार लेनको हुनेछ। 

सडक विभागले पूर्व तयारीको काम सम्पन्न भएकाले आगामी कार्तिक भित्रै बोलपत्र आह्वान गरिने जनाएको छ ।


ADVERTISEMENT

सडक विस्तारका लागि आवश्यक डीपीआर, ईआईए र डिजाइनसमेत तयार भई स्वीकृत भइसकेको छ। 

डिभिजन सडक कार्यालय भक्तपुरले गत वर्षदेखि नै सो सडकखण्ड क्षेत्रमा परेका संरचनाहरू हटाउन तथा रुख कटान सुरु गरिसकेको छ । सो सडक विस्तारका लागि करिब आठ अर्ब रुपियाँ लाग्ने अनुमान गरिएको छ ।

सडकको लम्बाई कुल १५ किलोमिटर रहेको छ।   सडकखण्डमा छ स्थानमा आकाशेपुल, चार स्थानमा पुल र एउटा कल्भर्ट निर्माण हुनेछ। 

जाइकाले तयार पारेको डीपीआरमा आठ लेनको सडक विस्तार तथा भक्तपुर र काभ्रेपलाञ्चोकको सीमा क्षेत्रको साँगामा एक दशमलव २९ किलोमिटर सुरुङमार्गसमेत प्रस्ताव समेत गरिएको छ ।  



Your Comments